Gin-anunsyo sang Philippine Basketball Association (PBA) nga gin-postpone ang palaabuton nga All-Star Weekend nga una kuntani gin-schedule sa una nga semana sang Mayo sa Davao.
Suno kay Commissioner Willie Marcial, may yara sang kahangawa sa seguridad nga amo ang mayor nga rason kun ngaa indi pagdayunon ang aktibidad.
Bangud sa sini nga “security concerns, nagpahayag si Marcial, “We looked into it and it is for the best to postpone it.”
Posible suno sa natungdan nga isaylo ang venue sa Visayas nga naka-host man anay sang All-Star Weekend ukon ikansela na gid lang ang bug-os nga event.
Wala sang ginpahayag nga potential replacement, apang nakadepende pa ang tanan sa resulta sang mga diskusyon tubtub sa masunod nga semana.
Sa Mayo 2-4 kuntani ang event sa Davao nga amo man ang nagamarka sang pagbalik sang old Veterans batok sa Rookies Sophomores kag Juniors format. May plano man kuntani nga magpatigayon sang side-event nga naga-feature sang players halin sa Mindanao.
Sang nagligad nga tuig, ang Bacolod City amo ang nag-host sang All-Star Game nga nagtakop sa 140-140 draw sa tunga sang Team Japeth Aguilar kag Team Mark Barroca kasunod sang historic five-point play ni Robert Bolick.#
