ILOILO CITY – Pagkatapos sang pila ka tuig, liwat nga makit-an sang mga fans ang reunion project nanday Bea Alonzo kag John Lloyd Cruz.
Suno kay Bea, nakadepende pa kun magsanto ang tyempo sang duha kag kun magpasugot si John Lloyd nga batunon ang proyekto sa tion nga mabasa na niya ang script.
Ginpahayag man ni Bea nga excited na siya para sa posible nga reunion project nila nga duha bilang love team.
Nalipay man ini nga madamo sa gihapon sang nagahulat kag naga-interes sa love team sang duha apisar nga madugay na sila nga nagpares.
Ang duha ang ulihi nga nag-upod sa isa ka endorsement film sang isa ka food chain.
Si Bea ang naga-focus sa iya proyekto nga Filipino adaptation sang Korean TV series samtang si John Lloyd ang yara man sa iya sitcom project.
