Magapatigayon sang imbestigasyon ang National Security Council (NSC) sa ginaalegar nga financial inflows halin China padulong sa mga kompaniya sa Pilipinas nga may kaangtanan sa pamilya ni Vice President Sara Duterte.
Suno kay National Security Adviser Eduardo Oban Jr., seryoso nga ginatan-aw sang NSC ang mga impormasyon nga ginpresentar sa nagapadayon nga impeachment trial ni Duterte sa Senado.
Magakoordinar ang NSC sa intelligence kag investigative agencies, lakip ang iban pa nga ahensya sang gobyerno, para mausisa ang gin-report nga mga transaksyon kag ang posible nga epekto sini sa national security.
“While the proceedings remain ongoing and the information presented should be properly examined within established legal processes, the reported transactions and any credible information involving significant foreign financial flows that may bear upon the country’s national security warrants careful, in-depth and responsible assessment,” suno kay Oban.
Suno kay Oban, kinahanglan nga maathag kag responsable nga mausisa ang mga ginaalegar nga daku nga financial flows halin sa foreign sources ilabi na kon may posible ini nga kaangtanan sa seguridad sang pungsod.
“The NSC will look into the information presented and, as a matter of policy, continue to task the intelligence and investigative agencies and coordinate with relevant government institutions to assess the national security implications, if any, arising from the reported transactions,” dugang sini.
Samtang, nagpahayag man sang pagkaalarma si Defense Secretary Gilbert Teodoro Jr. sa impormasyon parte sa ginaalegar nga Chinese financial links nga ginpahayag una ni anay senador Antonio Trillanes IV antes ini namensyonar sa impeachment court.
Suno kay Teodoro, kon mapamatud-an ang mga alegasyon, mahimo ini maghatag sang seryoso nga epekto sa national security.
Gin-engganyo sini si Trillanes nga isumiter ang iya mga ebidensya sa mga law enforcement authorities para maimbestigaran.
“The allegations of former senator Trillanes, if substantiated, raise serious implications for national security,” suno kay Teodoro. “He should submit the evidence in his possession, if any, to our law enforcement authorities so the matter can be thoroughly investigated.”
Sa isyu nga ini, gintudlo man ni retired rear admiral Roy Vincent Trinidad, spokesperson sang Armed Forces of the Philippines para sa West Philippine Sea, ang potensyal nga mangin epekto sa nasyonal nga seguridad. Suno kay Trinidad, kon mapamatud-an ang ginaalegar nga foreign funding, mahimo ini magresulta sa security implications.
“I’d also like to highlight the statement of the National Security Council, of the NSA that the appropriate government agencies are looking into this. And if proven, again, there will be security implications for actions like this,” pahayag sini.#
