Nag-file na sang certificate of candidacy (COC) para sa reelection sa 2025 midterm elections si Sual, Pangasinan Mayor Liseldo “Dong” Calugay nga amo ang ginatudlo nga lover ni dismissed Bamban, Tarlac Mayor Alice Guo.
“Para sa patuloy na #SerbisyongMayMalasakit at sama-samang pag-abante ng ating bayan ng Sual, naghain si incumbent Mayor Dong Calugay ng kandidatura para sa reelection kasama ang kaniyang mga kapartido,” kabahin sang post sa official Facebook page sang kontrobersyal nga alkalde.
Kun matandaan, ginpatambong si Calugay sa imbestigasyon sang Senado batok sa iligal nga Philippine Offshore Gaming Operators (POGO).
Didto kag gingisa ini sa iya nga personal kag business ties kay Guo ukon Guo Hua Ping apang wala ini nagaako nga magkarelasyon sila nga duha apisar madamo sila ang pictures nga magkaupod.
Una naman nga ginpanginwala ni Calugay nga may previous kag present business ventures siya kay Guo apisar nabuyagyag sa Senado ang lima ka farm business registrations nga ginapatihan ila nga duha. Ini amo ang AC Aqua Farm, Dee Aqua Farm, Licsel Fish Farm, Donguo Fish Farm, kag Guco Aqua Farm.
Mangin si Guo ang nagpanginwala man nga may yara sila sang romantic relationship.
Una naman nga ginpahayag sang kampo ni Guo paagi sa iya legal counsel nga si Atty. Stephen David nga magapadalagan man liwat ang dismissed mayor sa 2025 sa Bamban, Tarlac apisar nga nakahunong ini subong sa Pasig City Jail.#
