Nagahimo na sang mapa para sa alternate route ang Sangguniang Bayan sa Pavia, Iloilo kaupod ang Public Safety and Transportation Management Office (PSTMO), Department of Public Works and Highways (DPWH) kag Committee on Transportation may kaangatan sa road closure sa mga dalanon malapit sa ginatukod nga flyover sa Barangay Ungka II, Pavia, Iloilo.
Ang nasambit nga closure ang maumpisa na sa Lunes, Marso 15 tubtob sa Domingo, Marso 21, umpisa las 7:00 sang aga tubtob las 5:00 sang hapon.
Lakip sa mga siraduhan nga dalan amo ang U-turn slot malapit sa exit sang Christ the King sa Barangay Ungka, Jaro, Iloilo City padulong sa intersection sang Circumferential Road sa Barangay Ungka II, Pavia, Iloilo.
Sa interview sang Bombo Radyo kay Pavia, Iloilo Mayor Laurence Anthony Gorriceta, iya ginpahayag nga katuyuan sini nga mahatagan ligwa ang pag-install sang girders nga kinahanglanon sa nasambit nga flyover.
Yari ang proposed alternate route para sa mga commuters halin sa Sta. Barbara kag Pavia nga magapadulong sa Iloilo City:
- Turn right sa Circumferential Road deretso sa Brgy. Hibao-an, Mandurriao, Iloilo City
- Turn left sa Circumferential Road deretso sa Brgy. Tacas deretso sa Quintin Salas deretso sa Jaro Plaza
- Turn left sa Circumferential Road deretso sa Brgy. Tacas deretso sa Buhang deretso sa Jaro Plaza
- Pagsanga-an, Pavia deretso sa Brgy. Tacas deretso sa Quintin Salas deretso sa Jaro Plaza
- Aganan, Pavia deretso sa Bangga Singko sa Hibao-an, Mandurriao, Iloilo City
Yari naman ang proposed alternate route para sa mga commuters nga magahalin sa Iloilo City kag padulong sa Sta. Barbara kag Pavia:
- Jaro deretso sa Quintin Salas deretso sa Brgy. Tacas deretso sa Pagsangaan, Pavia, Iloilo
- Jaro deretso sa Quintin Salas deretso sa Brgy. Tacas deretso sa Circumferential Road deretso sa City Mall, Pavia, Iloilo
- Jaro deretso sa Hibao-an, Mandurriao, Iloilo City deretso sa Circumferential Road deretso sa Ungka II deretso sa Pavia, Iloilo
Samtang, ginaabisuhan naman ang mga motorista nga magdoble halong kag magsunod sa direksyon sang Traffic Enforcers.
