Nakuha sang alumnus kag nagaserbe man nga part- time faculty member sang Iloilo Science and Technology University (ISAT U) ang titulo bilang kampeon sa TernoCon 2025, ang prestihiyoso nga national terno- making competition nga gin-organisa sang Cultural Center of the Philippines.
Ini amo si Peter Gagula nga kilala bilang si Peach Garde.
Si Garde ang nangibabaw gikan sa 12 tanan nga mga finalists sa culminating cultural show sang Enero 25, 2025.
Ang iya collection ang nagapakita sang 20th-century Philippine visual arts paagi sa tatlo ka distinct pieces: isa ka formal terno nga may pañuelo, isa ka formal Balintawak nga may alampay kag tapis, kag isa ka formal Kimona nga naga-feature sang butterfly sleeves nga may alampay kag patadyong.
Suno kay Dr. Gabriel M. Salistre Jr., ISAT U President, ini nga achievement wala lamang nagahatag dungog sa ISAT U apang sa abilidad sang mga Ilonggo sa pag-preserba kag pag-innovate sang Philippine traditional fashion.
Dugang niya, ang kadalag-an ni Garde ang repleksyon man sang talento sang mga estudyante kag produkto sang unibersidad.
