Kumpirmado na nga indi maka-upod si Kai Sotto sa duha ka mga hampang sang Gilas Pilipinas sa third and final window sang Fiba Asia Cup Qualifiers sa masunod nga bulan.
Sa Pebrero 20, atubangon sang national team ang Chinese Taipei samtang sa Pebrero 23 naman makasambuwa sini ang New Zealand.
Apang bangud sa anterior cruciate ligament ukon ACL injury nga naangkon sini sa hampang batok sa SeaHorses Mikawa sa Japan B.League sang Domingo, binulan pa ang kinahanglan ni Kai nga pahuway.
Gintawag ini sang 7-foot-3 center nga amo ang pinakamadulom nga parte sang iya karera sa basketball.
Magluwas diri, indi man makaupod si Kai sa B.League Asia Rising Star Game.
Ang 22-anyos nga player amo ang isa sa ginakabig nga rason nga undefeated ang Gilas Pilipinas ni Coach Tim Cone, 4-0, sa qualifiers nga may average nga 15.5 points, 12.5 rebounds, 3.8 assists, kag 2.3 blocks.
Madasig naman ang mga mensahe sang iban nga Gilas stars kaangay kanday Justin Brownlee, AJ Edu, kag Japeth Aguilar para mapalig-on si Kai.
“That’s definitely a tough blow for the team, and personally for Kai. I can only imagine what he’s going through, but definitely sending my prayers to him. Hopefully he can keep his spirits up,” suno kay Brownlee. “Just get well soon, get through this injury–I hope his surgery goes well and the rehab process and everything’s go well.”
“I know it’s a hard time right now. But all I can say is you’re still young. Always trust in the Lord. Have faith, He has plans for you. Keep your spirit up. You will be back stronger. God bless you, Kai,” mensahe naman ni Aguilar.
“We’ve been in contact,” pahayag naman ni Edu. “As everyone knows, I’m someone who has gone through multiple knee surgeries, so I was just trying to encourage him that there’s light at the end of the tunnel…. He will come back better and stronger, not only physically but mentally, too… My biggest advice is to trust in the Lord, to really hold on to faith that the Lord has good plans and will restore him. I’ve seen God’s goodness in my own life, restoring me to the basketball court, and I believe we’ll see it in Kai’s life, too!”
