Apisar naga-recover pa lang sa knee injury nga naangkon sang nagligad nga Disyembre, pangunahan ni Alyssa Valdez ang team sang Pilipinas sa volleyball sa 32nd Southeast Asian Games sa Phnom Penh, Cambodia sa Mayo.
Kaupod ni Valdez ang lima ka iban pa nga Creamline stars lakip na ang reigning Most Valuable Player nga si Tots Carlos.
Yara man ang setter nga si Jia De Guzman, spiker nga si Jema Galanza, middle blocker nga si Ced Domingo, kag Asean Grand Prix reigning Best Libero nga si Kyla Atienza.
Matandaan nga gintiglawas sang Creamline ang Pilipinas sa Asian Women’s Volleyball Cup for Women sa Manila kag sa Asean Grand Prix sa Thailand sang nagligad nga tuig.
Yara man sa listahan sanday Mylene Paat, MJ Phillips, Gel Cayuna, Kat Tolentino, Cherry Nunag, Jules Samonte, Mika Reyes, Dell Palomata, Kath Arado, Lia Pelaga kag Riza Nogales.
Nagalaum ang team sang Pilipinas nga makakuha na sang place sa Southeast Asian Games sa Cambodia.
Wala gid nakalab-ot ang women’s national team sa podium halin sang 2005; kag nakakuha lamang ini sang back-to-back fourth-place finishes sa nagligad nga duha ka edition sang amo nga hinampang.
