ILOILO – Tinguhaan ni Iloilo Gov. Arthur Defensor Jr. nga amat-amat nga mabalik ang byahe sang pampubliko nga salakyan kag ang construction works sa probinsya sang Iloilo.
Sa interview sang Bombo Radyo kay Defensor, iya ginpahayag nga wala pa siya sang final nga Executive Order tuhoy sa patigayunon nga Modified Community Quarantine umpisa sa Mayo 1.
Suno kay Defensor, ginpauntat lamang ang byahe bangud nga wala man sang pasahero tuga sang ginapatuman nga quarantine sa bug-os nga probinsya.
Ginpahayag ni Defensor nga apisar may byahe kag may trabaho na sa bulan sang Mayo apang istrikto sa gihapon nga ipatuman ang border restrictions kag iban pa nga quarantine protocol.
Samtang, nakapakig-angot na ang gobernador sa Overseas Workers Welfare Administration tuhoy sa pagpapauli sang mga na stranded nga Overseas Filipino Workers sa Metro Manila.
Suno sa Gobernador, bulontaryo nga magabulig ang Philippine Red Cross sa pagpatigayon sang Polymerase Chain Reaction test sa mga stranded OFW.
Ginpromisa naman ni Overseas Workers Welfare Administration Adminsitrator Hans Leo Cacdac nga per batch ang pagpapauli sa mga Ilonggo nga yara sa Metro Manila.
