ESTANCIA, ILOILO – Ginlabo sang amay ang iya mismo nga anak sa Barangay Tabu-an Estancia, Iloilo.
Ang biktima amo si alyas Gil, 23 anyos kag amay nga si Mark , 67 anyos.
Sa interview sang Bombo Radyo kay Police Staff Sergeant Ian Jover, iya ginpahayag nga naka-inom sang makahulubog nga ilimnon ang mag-amay kag nagbinaisay.
Gilayon nga ginlampusan ni Gil ang iya amay sang kaldero sa diin nakaangkon ini sang pilas sa likod nga bahin sang iya dulunggan.
Bangud mahimo nga na-impito ang amay, ginkuha niya ang binangon kag ginlabo ang iya anak sa diin pilas man sa ulo ang naangkon ni Gil.
Narekober naman sang mga kapulisan ang binangon nga gingamit sa insidente.
Sa subong, padayon pa nga ginabulong si Gil sa ospital samtang nag-surrender naman sa mga kapulisan ang amay sini.
