ILOILO CITY- Patay ang isa ka lalaki matapos ginluthang sang riding in tandem suspects sa Barangay Libot, Calinog, Iloilo.
Ang biktima amo si Joseph Sonza, 48, residente sang nasambit nga lugar kag isa ka negosyante.
Sa interview sang Bombo Radyo kay Police Major Fernand Limbungan, hepe sang Calinog Municipal Police Station, iya ginpahayag nga ginbantayan sang mga suspek ang biktima sa gwa sang iya balay kag ginluthang.
Sang amo nga tion, kaupod sang biktima ang iya asawa kag menor de edad nga anak.
Suno kay Limbungan, nag-angkon ang biktima kag pilas sa nawala nga dughan, nawala nga likod kag sa baba.
Narekober naman sa crime scene ang lima ka basiyo sang .45 caliber.
Gilayon naman nga nagpalagyo ang mga suspek sa wala mahibaluan nga lugar.
Nagapadayon pa ang imbestigasyon sang otoridad sa motibo sa krimen.
