ILOILO CITY–Ginapangita pa sang otoridad ang anak nga nagluthang-patay sa kaugalingon nga amay sa Brgy. Panuran, Lambunao, Iloilo.
Sa interview sang Bombo Radyo kay C/Insp. Rene Obregon, hepe sang Lambunao Municipal Police Station, iya ginpahayag nga ang biktima amo si Jimmy Lastimoso, 57 anyos samtang ang suspek naman amo si Jose Jimmy Lastimoso, 35 anyos sang Brgy. Panuran, Lambunao, Iloilo.
Santo sa pagpangusisa suno kay Obregon, may yara sang daan nga hiligut-anon ang mag-amay nga rason sang pagpangluthang sang suspek gamit ang 12 gauge shotgun.
Pagkatapos sang krimen, gilayon nga nagpalagyo ang suspek kaupod ang iya pamilya.
Ginpahayag ni Obregon nga naka-angkon sang duha ka pilas sa dughan ang biktima.
Sa subong, nagapadayon ang hot pursuit operation agud madakpan ang suspek.
