LAMBUNAO, ILOILO – Sa pihak sang kasakit nga naagyan sa natabo sa iya pamilya, wala ini nangin upang agud liwat nga magbangon ang isa ka negosyante sa Lambunao, Iloilo.
Ini amo si Joelito Vallejo, tumandok sang Maite Grande, Lambunao, Iloilo.
Sa interview sang Bombo Radyo kay Vallejo, iya ginpahayag nga napatay ang iya anak bangud sa balatian nga cancer sa edad nga 17 anyos.
Magluwas diri, ginbulagan pa gid ini sang iya asawa.
Suno kay Vallejo, nagdako pa siya sa pigado nga pamilya gani indi na bag-o sa iya ang kapait sang kabuhi.
Sa subong, ginabuligan siya sang iya utod sa iya negosyo nga hopia.
Nagalaom man ini nga makasupot kag makabangon sa liwat sa iya pangabuhi, kaupod ang iya bag-o nga partner.
Ginpakigbahin man sini nga antes nagtaliwan ang iya anak, nagpabutyag ini ang kalipay bangud may makaupod na ang iya amay sa pagpangabuhi.
