Patay ang isa ka amay matapos ginlabo sang iya kaugalingon nga anak sa Brgy. Poblacion, Bacoor City, Cavite.
Ang biktima amo si alyas “Rick”, 49-anyos, isa ka construction worker samtang ang suspek naman amo si alyas “Jhon”, 27-anyos kag pareho nga residente sang Población sa amo nga syudad.
Naggwa sa imbestigasyon nga nag-inaway ang biktima kag ang live-in partner sini sa sulod sang balay kun sa diin nasaksikan sang suspek ang pagbaisay.
Sang naggwa sa balay ang biktima kag nagpungko, hinali lang ginpalapitan ini sang suspek kag ginlabo sa ulo.
Gindala pa sa ospital ang biktima apang wala na masalbar.
Nalagyo ang suspek apang nadakpman man sa hot pursuit operation.
Kaso nga Parricide ang ginpasaka batok sa suspek.
