CABATUAN, ILOILO – Patay ang operator sang nagapanggaling sang humay matapos ginluthang sa Brgy. Manguna Cabatuan, Iloilo.
Ang biktima amo si Herbie Alcalde Andico, 44, kasado kag residente sang nasambit nga lugar.
Sa exclusive interview sang Bombo Radyo kay Police Major Niño Leonard Amar, hepe sang Cabatuan Municial Police Station, iya ginpahayag nga sa subong padayon pa nga gina imbestigaran ang insidente.
Suno kay Amar, ginluthang mismo ang biktima sa atubang sang iya asawa kag anak.
Nag-angkon sang pilas sa nawala ang ulo ang biktima, nawala nga dughan kag sa iya nga buol.
Nakit-an naman ang lima ka mga slug sang bala sang .45 caliber pistol sa crime scene.
