Amay patay matapos nagpaipit sa bus bangud sa problema sa pamilya

ILOILO CITY – Patay ang isa ka amay matapos magpaipit sa bus sa banwa sang bus sa Barotac Nuevo, Iloilo.
Ginkilala ang biktima nga si Edwin Turao Sr., 35, pedicab driver kag residente sang Agcuyawan Calsada, Barotac Nuevo, Iloilo.
Sa interview sang Bombo Radyo Iloilo kay SPO4 Glen Azucena, imbestigador sang Barotac Nuevo Municipal Police Station, ginpahayag sini nga halin sa northern Iloilo ang Ceres bus nga ginamaneho ni Harvey Bacinilla, 43, sang Bularan, Banate, Iloilo kag sang nag-agi sa highway sa Barangay Bungca, hungod nga nagtabok sa karsada ang biktima agud magpaipit sa truck.
Naligsa ang biktima matapos malapakan sang bus.
Nahibaluan nga gintuyo na ni Turao nga maghikog paagi sa pag-inom sang pesticide apang naluwas ini.
Isa sa mga ginalantaw nga motibo sa paghikog sang biktima ang problema sa ila pamilya.
Sa karon preso pa ang driver sang bus sa Barotac Nuevo PNP kun sa diin posible ini magapangatubang sang kaso nga reckless imprudence resulting to homicide.