Nagasinggitan sang hustisya ang amay sang 17 anyos nga dalagita nga tul-an na sang nasapwan sa Barangay San Nicolas, Buenavista, Guimaras.
Ang suspek amo si Alexander Canonigo, 21, residente sang nasambit man nga barangay.
Una na gin-ako sang suspek nga amo man ang nobyo sang biktima nga siya ang nagpatay sa biktima.
Sa interview sang Bombo Radyo kay Henry Pardorla, amay sang biktima, iya ginpahayag nga halos indi niya mabaton ang natabo sa iya nga anak.
Gin-ako man niya nga nagalain sa gihapon ang iya buot kag tuman ang iya kaakig sa suspek.
Apisar sini, nagakaigo nga hustisya lang ang panawagan sang amay kasunod sang makahalanusbo nga gindangatan sang iya menor de edad nga anak.
