USA– Nagtaliwan na sa edad nga 87 anyos ang ginakabig amay sang ‘rock ‘n’roll’ music nga si Little Richard.
Ini mismo ang ginkumpirma sang iya anak nga si Danny Penniman pinaagi sa isa ka American Monthly magazine.
Indi pa subong mapat-od ang pamilya kun ano gid ang matuod nga rason sang kamatayon sang singer.
Lakip sa mga ambahanon ni Little Richard ukon Richard Wayne Penniman sa matuod nga kabuhi, amo ang Tutti Frutti, Long Tall Sally, Rip it Up, Lucille kag Good Golly Miss Molly.
Ginkabig man ni Richard ang iya kaugalingon nga arkitekto sang ‘rock ‘n’roll’, kun sa diin nagtatak sa isip sang fans ang istilo niya sa musika.
Nahibaluan nga nangin inspirasyon man sang madamo nga singer ang nagtaliwan nga 87 anyos nga American singer.
