ILOILO CITY–Wala nagahinulsol ang 64 anyos nga may sa iya nga pagluthang patay sa iya 37 anyos nga anak sa Brgy. Siwalo, Maasin, Iloilo.
Sa interview sang Bombo Radyo sa amay nga si Edwardo Miranda, ginpahayag sini nga madugay na sila nga nagaantos sa malain nga batasan sang iya bata nga si Felimon Miranda.
Dugang pa ni Edwardo, masami sila nga nagabaisay sang iya bata nga masami hibog kag naga absent sa ila nga trabaho.
Magluwas diri, masami man nga ginasakit ni Felimon ang iya asawa kag kabataan suno kay Edwardo.
Sa tion nga sayawayon niya si Felimon, ginabalusan man siya sang iya bata suno sa amay.
May yara man sang tini-on suno kay Edwardo nga ginahaboy ni Felimon sang bato ang iya balay.
Sang tinalikdan nga gab-i, wala na gid siya nakapugong suno sa amay rason nga iya ginluthang si Felimon.