Nagmandu ang presidente sang Turkey nga sipaon sa pwesto ang ambassadors sang 10 ka mga pungsod — lakip na ang Germany kag Estados Unidos— matapos nag-apelar ang mga ini nga paguwa-on sang gobyerno ang ginpreso nga civil society leader.
Ang mandu ni Turkish President Recep Tayyip Erdogan ang kasunod sang pag-preso sa Parisian-born philanthropist kag activist nga si Osman Kavala.
Si Kavala, 64, ang ginpreso nga wala sang conviction halin sang 2017 sa kaso nga nagaangot sa iya sa 2013 anti-government protests kag failed military coup sang 2016.
Suno sa presidente, iga-deklarar gid nga persona non grata ang 10 ka mga ambassadors sa labing madali nga tion.
Suno naman sa European countries, wala pa sang opisyal nga notification nga nabaton kasunod sang pahayag sang presidente sang Turkey.
Mangin ang Estados Unidos ang nagpangayo pa sang paathag halin sa Turkish Ministry of Foreign Affairs.
