ILOILO CITY – Gin-ban na nga magtambong sa Oscars sa sulod sang pulo ka tuig ang American actor nga si Will Smith kasunod sang pagtampa sini sa comedian nga si Chris Rock.
Suno kay Academy President David Rubin kag CEO Dawn Hudson, sa nangin desisyon sang board, gin-ban si Smith nga magtambong sa tanan nga aktibidad sang academy umpisa Abril 8.
Samtang, hugot naman nga ginbaton ni Smith ang nangin desisyon sang academy.
Una na nga nag-resign si Smith sa academy.
Ang isyu ang nag-ugat sang ginkutaw-kutaw ni Rock ang medical condition sang asawa ni Smith sa ginpatigayon nga Oscar Awards sang damlag lang kun sa diin, nagdaog bilang Best Actor si Smith.
