Kun pakaslan mo ang tawo nga imo ginahigugma, pat-od nga “out of this world” kag “over the moon” gid ang imo nga mabatyagan!
Pareho sini ang nabatyagan sang former American astronaut nga si Buzz Aldrin nga nagpakasal sa iya long-time girlfriend sa edad nga 93 anyos.
Ginpatigayon ang kasal nanday Aldrin kag sang 63-anyos nga si Dr. Anca Faur sa Los Angeles, California.
Suno pa sa former US astronaut, tuman sila ka excited nga duha kag daw kasubong lang nga naga-elope nga teenagers ang ila nga nabatyagan.
Si Aldrin amo ang isa sa mga piloto sang legendary nga Apollo 11 spaceflight sang 1969. Siya ang ikaduha nga tawo nga nakalapak sa bulan, sunod kay Neil Armstrong nga amo ang commander sang amo nga maragtason nga mission.
Sang amo nga tion, nag-set up sanday Armstrong kag Aldrin sang American flag sa bulan, nagdala sang mga bato, kag nag-set up man sang scientific experiments antes nagbalik sa spacecraft kag gin-abi abi bilang mga baganihan sang nag-abot sa earth.
Sa apat ka mga tawo sa bilog nga kalibutan nga nakatapak sa bulan, siya na lang nagaisahanon nga buhi.
Ang iya naman nga asawa nga si Dr. Faur may yara sang PhD sa chemical engineering kag amo ang executive vice president sang kumpaniya ni Aldrin nga Buzz Aldrin Ventures.
Indi ini ang una nga tion nga nagsiling sang “I do” ang nasambit nga astronaut sa atubang sang altar.
Tatlo ka beses na siya nga nagpakasal apang lunsay diborsyo ang gindangatan sang pag-asawahay. ##
