Nagtaliwan ang isa ka American climber nga si Balin Miller sa edad nga 23 anyos matapos ini mahulog samtang nagasaka sa El Capitan summit sa Yosemite National Park sa California, USA.
Ginkumpirmar mismo sang iloy ni Miller nga si Jeanine Moorman ang masubo nga balita sang iya kamatayon.
Suno sa mga otoridad, tuyo kuntani ni Miller nga sakaon ang El Capitan, isa sa mga pinakapopular kag delikado nga rock formations sa Estados Unidos, nga may kaatason nga 3,000 ka tapak sa valley floor sang Sea of Dreams.
Kilala si Miller sa climbing community, kag ginadokumento pa niya ang iya mga pagsaka paagi sa live videos sa iya social media accounts, nga ginatutukan sang madamo niya nga followers.
