ILOILO CITY- Tuman ang pagdayaw sang isa ka American National sa Bombo Radyo Iloilo matapos mabalik pinaagi sa Panawagan Section ang iya nadula nga cellphone.
Sa interview sang Bombo Radyo kay Sara Jo Boysen sang Minnesota, USA, iya ginpahayag nga nagsakay sila sa taxi halin sa airport pakadto sa hotel nga ila gin tiniran sang nagligad nga Oktubre 1.
Suno sa iya, nakibot na gid lamang siya nga wala na ang iya cellphone.
Ila ginpangita ang taxi apang wala nila matandaan kon ano ang pangalan sang taxi nga ila gin sakyan.
May nag- inform sa tag-iya nga sa Bombo Radyo ginturn- over sang taxi driver ang cellphone.
Suno naman sa honest taxi driver nga si James Sencil sang Super Buenas Taxi, iya gin turn- over sa Bombo Radyo Iloilo ang cellphone nga iya nakita sa iya taxi unit bangud dako ang iya pagsalig sa Bombo Radyo.
Tuman naman ang pagpasalamat ni Boysen bangud nabalik ang iya cellphone antes ang iya flight pabalik sa Estados Unidos.
