ILOILO CITY – Nalakip ang American star nga si Lionel Richie sa mga celebrities nga nakabaton sang invitation para sa coronation ni King Charles III suno sa Buckingham Palace.
Ang 73 anyos nga si Lionel ang nag-confirm na bilang isa sa mga headline acts sa star-studded concert sa grounds sang Windsor Castle.
Ang four-time Grammy Award-winning singer ang nakabaligya sang masobra sa 125 million albums worldwide.
Sang 2019, siya ang labing una nga global ambassador sa charitable Prince’s Trust ni King Charles III kun sa diin, ginsuportahan sini ang mga naga-edad 11-30.
Ang pinal mga listahan sang mga gin-imbitar ang wala pa ginsapubliko apang ang iban nga celebrity nga magatambong amo si Edward Enninful, ang editor-in-chief sang British Vogue.
Imbitado man sanday Kelly Jones, ang lead singer sang banda nga Stereophonics, kag ang restoration kag recycling champion nga si Jay Blades.
Magatambong man ang wala ginhingadlan nga grupo sang Nobel prize winners.
