ILOILO CITY – Ginpakigbahin sang isa ka anak ang pagkabaganihan sang iya iloy nga nagpanikasog gid agud mapaeskwela ang mga ini apisar nagaisahanon na lang ini nga nagabuhi sa ila mag-ululutod.
Ini matapos nagtaliwan ang ila amay sang Grade 3 pa lamang ini matapos naaksidente.
Sa interview sang Bombo Radyo kay X Princess sang probinsya sang Iloilo kag ang tagdaog sa Kahapon Lamang Mother’s Day special, iya ginpahayag nga nagapangimon ini sang una sa iya mga tatlo ka mga manghod bangud wala ini nahatagan sang nagakaigo nga atensyon sang iya ginikanan.
Apang, suno kay X Princess, sang nagtaliwan na ang iya amay, nabatyagan niya ang pagpalangga sang iya iloy sa diin wala sila ginpabay-an nga mga mag-utod.
Agud mabuhi sila nga mga mag-utod, nagtrabaho ang iya iloy bilang isa ka labandera kag nagbaligya sang uga kag utanon sa merkado.
Bangud sa kapigaduhon kag ginasuprer nga balatian sang iya iloy, ginpakamaayo nalang sang mga ini nga itugyan nalang anay ang iya ikaduha nga manghod sa ila tiya agud mahatagan sang maayo nga pangabuhi.
Apisar sa tanan nga pagtilaw, ginapabugal sang natungdan ang iya iloy nga nagtinguha para mapatapos ini sa pag-eskwela.
