Balik sa presuhan ang isa ka 40-anyos nga lalaki matapos siya nga ginreklamo sang iya 61-anyos nga iloy sang paghimulos sa iya.
Natabo ang krimen sa balay sang biktima sa Candijay, Bohol sang Septyembre 27 sang kaagahon.
Suno sa iloy, indi lang ini ang una nga bes nga ginhimuslan siya sang iya anak.
Nagpangayo sang bulig ang iloy sa ila barangay kag gindangop ini sa Candijay Police Station nga nagresulta sa gilayon nga pagdakop sa anak.
Base sa imbestigasyon, sang Septyembre 18 lang nakagwa ang suspek matapos mapreso sang 14 ka tuig sa kaso nga murder.
Ginbuyagyag man sang iloy nga una siya nga ginhimuslan sang 40-anyos pa lang ini.
Suno sa iya, ginapahog man siya sang iya bata nga patyon kun manugid ini.
Sang matabo ang krimen, hubog ang suspek.
Nasaksihan naman sang anak nga babaye sang suspek ang ginahimo sang iya amay kag nahadlok nga himuon man ini sa iya gani nangisog ang biktima nga mangayo sang bulig sa otoridad.
