𝗖𝗔𝗟𝗜𝗡𝗢𝗚, 𝗜𝗟𝗢𝗜𝗟𝗢 — Nagapanindugan ang anak sang isa ka ginapahayag rebelde nga napatay sa engkwentro sa Barangay Aglonok, Calinog, Iloilo nga nadalahig lamang ang iya amay sa insidente.
Lakip sa lima ka mga ginapahayag rebelde nga napatay amo si Aurelio Berjes Bosque, 57-anyos, alyas Burnok/ Bayjan/Sarco, kag Boy, residente sang Barangay Carvasana, Calinog, Iloilo.
Sa interview sang Bombo Radyo kay Bryan Bosque, anak sang ginapahayag katapo ang Communist Terrorist Group – New People’s Army (CTG-NPA), iya ginpahayag nga sugod nagbiya ang iya amay sa iya katungdanan bilang aktibista (early 2000), wala na ini nagpanugid sa ila kon ano ang nangin trabaho sini.
Suno kay Bosque, nagapauli sa ila puluy-an ang iya amay tagsa ka tuig kag sa tanan nga bahin, wala nila naistoryahan ang trabaho sang iya amay.
Ginpahayag lang sini nga ang ila lang ihibalo, amo ang nagapadayon sang sang hilikuton nga magbulig sa mga kubos nga pumuluyo ang iya amay.
Gintumod man sang natungdan nga nagtanyag sang bulig ang Philippine Army sa ila,apang, wala nila ini ginbaton bangud masarangan man ini ila nga pamilya.
Gin-athag man ni Bosque nga ang ginapahayag sang militar nga diutayan niya lang kug-on ang ila katapo ang nagsugod lamang sa mga ginaalegar intelligence officers sang Philippine Army nga nagakuha sang litrato sa ila pamilya rason nga nagakahangawa ang ila mga himata.
Sang gin-usisa sang natungdan ang operatiba, wala ini sang may ipakita nga identification card, rason man kon ngaa nag-request sila sa kapulisan sang Calinog nga dakpon ang nagakapangkuha sang litrato.
Nahibaluan nga si Bosque ang indi na affiliated sa ano man nga organisasyon kag mas ginpili nga magpangabuhi sang pribado.
