Anak sang nagtaliwan nga iloy sa Iloilo Strait Tragedy, padayon sa gihapon nga magasalig sa Diyos sa pihak sang makahalanusbo nga natabo

GUIMARAS – Emosyonal ang anak sang nagtaliwan ang iya iloy nga nalakip sa mga pasahero sa nagkulob nga motorbanca sa Iloilo strait.

Ang biktima amo si Cynthia Elseario.

Sa interview sang Bombo Radyo kay Christianee Shane Elseario, iya ginpahayag nga
sa pihak sang natabo nga trahedya, padayon siya sa gihapon nga magasalig sa Diyos.

Suno kay Shane, magapabilin siya nga mabakod para sa iya nga amay.

Nagapangabay man ini sa iya iloy nga kun sa diin man ini subong, kuntani masami lang sila nga ubayan.

Sa pagkamatuod, gin-dengue pa si Shane sang tinalikdan nga semana antes matabo ang trahedya sa diin ang iya iloy ang nag-amuma sa iya.

Nagapati si Shane nga may plano ang Diyos rason nga natabo ang nasambit nga trahedya.