Isa ang Filipino- Israeli soldier sa mga napatay sa padayon nga away sang Israeli Defense Forces batok sa Hamas sa Gaza.
Ini amo si Staff Sergeant Shoham Menahem, 21, nga nagaistar sa Moshav Yardena kag anak sang Pinay nga si Rachel Marichel Menahem, tumandok sang Miagao, Iloilo.
Suno sa IDF, magluwas kay Menahem, patay man ang 20-anyos nga si Sgt. Shlomo Yakir Shrem, kag 19-anyos nga si Sgt. Yuliy Faktor.
Ang tatlo nga suldado ang nagaserbisyo sa 401st Brigade sang Armored Corps.
Napatay sila samtang yara sa sulod sang tangke de giyera sa isa ka brigade mission sa Jabalya sa northern Gaza Strip batok sa isa ka local Hamas battalion.
Sa initial assessment, isa ka anti-tank missile ang nagtuga sang paglupok sang tangk.
Apang may ginsiling man nga isa ka operational accident ang natabo.
Padayon pa ini nga gina-imbestigaran sang IDF.
Nagpalab-ot naman sang pagpakig-unong ang Filipino Organization in Northern Israel ( FONI) kaupod ang bilog nga Filipino Community sa Israel para sa pamilya sang ni Menahem.
