Nagpasalig ang newly appointed commissioner sang Commission on Elections (Comelec) nga si Atty. George Erwin Garcia nga maga-inhibit ini sa tanan nga mga kaso kun involved ang iya anay kliyente nga si presidential candidate Ferdinand “Bongbong” Marcos, Jr.
May yara pa subong sang lima ka mga petisyon batok kay Marcos nga nagahulat sang pinal nga resolution halin sa Comelec en banc matapos nga ginpangbasura sa division level.
Suno naman kay Garcia, kun masumalang na sini ang kaso ni Marcos, magasulat siya sa Clerk of Court kag i-saad nga indi siya pagpatisipar sa sini nga mga kaso.
Ginpahayag man sini nga nag-withdraw siya bilang abogado sa tanan nga mga kaso sa Comelec kag sa iba pa nga electoral tribunals agud mapamatud-an nga wala siya sang personal nga interes diri.
Nahibaluan nga nakaagi si Garcia nga nangin abogado indi lamang para kay Marcos kundi sa iban pa nga presidential candidates nga sanday Manila Mayor Isko Moreno Domagoso, kag Senators Manny Pacquiao kag Panfilo Lacson. ##
