ILOILO CITY–Indi na kinahanglan pa nga magpatukod sang Iloilo City Sports Arena.
Ini ang ginpahayag ni anay Iloilo City Mayor Mansueto “Mansing” Malabor sa interview sang Bombo Radyo.
Suno kay Malabor, kun ginpatuman lang sang mga nagsunod nga adminsitrasyon ang iya ginaduso sadto nga Sports Complex, indi na kuntani magloan pa ang syudad sang 500 million pesos.
Sa pagpaathag ni Malabor, ginduso niya sadto ang pagpatukod sang Iloilo City Sports Complex sa diin may yara na sang lugar kag pondo para sa amo nga proyekto.
Masubo lang panumdumon suno sa anay alkalde amo nga wala gid gintinguhaan sang mga nagbulos sa iya nga mapatuman ang amo nga proyekto.
Kun papili-on ang anay alkalde, iya ginpahayag nga mas madamu pa sang mga proyekto ang dapat nga ilakip sa top priority sabaylo nga sports arena.