ILOILO CITY– Dakop ang isa ka anay barangay kagawad sang Barangay Malipayon sa ginpatigayun nga buy bust operation sang Regional Drug Enforcement Unit (RDEU) sa nasambit nga lugar.
Ang nadakpan ang ginkilala nga si anay barangay kagawad Ronald Cape, 49 anyos.
Sa interview sang Bombo Radyo kay Police Captain Mark Dado, team leader sang RDEU, iya ginpahayag nga ang nadakpan nga anay barangay kagawad ang kabahin sang subgroup sang Melvin Odicta Drug Group.
Nakuha sa posisyon sini ang 11 ka sachet sang ginpatihan shabu nga nagabalor sang P100,000 kag kwarta nga P14,000.
Magapangatubang naman si Cape sang kaso nga paglapas sa R.A 9164 ukon Comprehensive Dangerous Drugs Act.
