Pilason ang isa ka former barangay tanod matapos nga gintiro sa Zone 3, Barangay San Juan, Molo, Iloilo City.
Ang biktima amo si Federico Flores, samtang ang nagtiro amo si Dandan Castro, lunsay residente sang nasambit nga lugar.
Sa interview sang Bombo Radyo kay Alyas Fidel, anay barangay kagawad sa lugar, iya ginpahayag nga nakaagum sang pilas sa na-tuo nga baga ang biktima.
Antes ang insidente, nagpinukotay pa ang duha tubtob naglab-ot sa pagpangluthang.
Nagaguwa man nga daan nga hiligut-anon ang rason sang ila indi pag-intindihanay.
Suno kay Fidel, kahapon nga adlaw, gibuyayaw sang biktima ang iloy sang nagpaniro nga posible man rason sang insidente.
Ginbuyagyag man sini nga si Castro ang anay may record sang pagpatay sang tawo.
Padayon naman nga gina-imbestigaran sang otoridad ang natabo nga shooting incident.
