ILOILO CITY – Nagapabilin nga mapainubuson si anay Iloilo City Councilor Jam Jam Baronda sa pihak sang pag-angkon sang pinakamadamu nga boto sa pagka-kongresista sa Syudad sang Iloilo.
Sa interview sang Bombo Radyo kay Baronda, iya ginpahayag nga tuman ang iya kalipay bangud sa pagboto sa iya sang mga pumuluyo sa pihak sang pila ka tuig niya nga pag-untat sa pulitika.
Ginpahayag ni Baronda nga sa pihak sang iya kadalag-an, nagapabilin siya nga mapainubuson.
Kadungan sini, ginpahayag man sang anay Konsehal nga handa siya sa ‘reconcilation’ ukon pagpakig-abyan sa iya mga nangin kasumpong sa pulitika bangud nga natapos naman ang eleksyon.
Kun nagahugpong ang tanan suno sa natungdan, mas madasig ang pag-uswag sang isa ka lugar.
Samtang, gintahod naman ni Iloilo City Councilor Joshua Alim ang nangin desisyon sang pumuluyo.
Sa interview sang Bombo Radyo kay Alim, iya ginpahayag nga wala na siya sang may mahimo bangud nga mas nahamut-an sang mga pumuluyo ang iya kasumpong nga si Baronda.
Ginpahayag man sang Konsehal nga wala na siya sang may ihatag nga komento bangud nga iya naman nga nabaton ang kapaslawan sa pulitika.
Ya ri pamati-an ang pahayag ni Baronda:
Samtang, yari naman ang sabat ni Alim:
