ILOILO CITY– Magapatigayun sang book launching subong nga adlaw ang anay miyembro sang Scout Ranger sang Philippine Army.
Sa interview sang Bombo Radyo kay Oliver Almonares sang Alimodian Iloilo, iya ginpahayag nga ang nasambit nga libro ang may titulo nga Rescue.
Ini ang may kaangtanan sang ila man pagrescue sa ika ka American missionary nga si Grace Burnham sa kamot sang mga Abu Sayaff sa Mindanao nga sadto ginapamunuan pa ni Kadafi Janjalani.
Magluwas sa pagrescue nila sa bihag sang mga bandido, ginpahayag man ni Almonares nga lakip sa 13 ka chapter sang libro ang iya nangin eksperyensya sa military.
Ginpahayag man ni Almonares nga napilasan man siya sa patag awayan sang nagdeklarar sang all out war si anay Presidente Joseph Estrada batok sa Moro Islamic Liberation Front (MILF) sadtong tuig 2000.
Sa ila pagrescue sa nasambit nga misyonaryo suno sa natungdan nagluntad ang halos 17 ka encounters sa tunga nila sang bandido nga grupo.
Ang book launching ang pagapatigayunon sa Educational Media Center sang Central Philippine University sa distrito sang Jaro.
Nahibaluan nga si Almonares ang katapo sangt Philippine Military Academy (PMA) Marilag class of 1995 kag anay company commander sang 5th scout ranger company sang Philippine Army.
