Ginpaathag sang Iloilo City District Engineering Office nga madugay na nila na-comply ang kapin P41.6 Million nga unsupported disbursements nga gintukso sang Commission on Audit (COA).
Sa interview sang Bombo Radyo kay former Iloilo City District Engineering Office Head Engr. Rodney Gustilo, iya ginpahayag nga ang nasambit nga kantidad ang nalakip sa mga ginpatigayon nga proyekto sa iya termino.
Suno kay Gustilo, kabahin na sang ila performance indicators ang disbursement sang pondo sa diin kada bulan, ginatinguhaan nila nga mabayaran ang target accomplishments sa kada proyekto.
Apang pahayag niya, may mga tinion nga indi nila ma-comply ang minor requirements sang mga balayran.
Sa pihak sini, ginpat-od sang natungdan nga wala sang palya ang ila pagpasa sang mayor nga mga dokumento kag ginapa-apas lang ang mga kulang nga rekisitos.
