ILOILO CITY–Pagtungod sa commitment sa Dugong Bombo ang nagatulod kay anay Iloilo City Councilor Lex Tupas nga tuigan nga makigbahin sa blood letting activity kag magdonar sang iya dugo.
Suno kay Tupas, sa tagsa nga madumduman niya nga madamo ang masugpunan sang kabuhi sa kada patak sang dugo nga makuha gikan sa iya, labi pa gid siya nga nagakaganyat nga mangin regular blood donor.
Suno kay Tupas, nahangpan niya kun ano ka hamili kag ka importante ang dugo ilabi na sang tion nga nagmasakit ang iya amay nga si anay Governor Neil Tupas.
Suno pa sa iya, manami sa pamatyagan nga bisan indi niya kilala ang magabaton sang iya dugo apang napat-ud niya nga masugpunan ang kabuhi sang amo nga tawo.
Nahibaluan nga humalin sadto, wala gid sang punaw ang sa pagdonar sang dugo sang anay City Councilor sa Dugong Bombo.