ILOILO CITY–Nagpasalamat ang anay Iloilo City Police Office (ICPO) Director sa mga pumuluyo sang syudad sang Iloilo sa pagbulig sa kapulisan.
Sa interview sang Bombo Radyo kay Police Senior Superintendent Henry Biñas, iya ginpahayag nga padayunon lang ang pagbulig sa mga pulis sa syudad sang Iloilo sa idalom sang pagpamuno ni Police Senior Superintendent Martin Defensor Jr.
Isa ka tuig nga nagserbe bilang ICPO Director si Biñas sa diin mayor nga gintutukan niya amo ang pagtapna sa iligal nga droga.
Sa subong, magaserbe nga pinuno sang Human Resource Management Division sang Police Regional Office (PRO) 6 si Biñas.
Samtang, emosyonal naman sa iya farewell speech si Biñas sa ICPO sa diiin iya ginpahayag nga ginhimo man niya ang tanan nga masarangan bilang ICPO Director.
Gin-ako man ni Biñas nga indi niya kuntani luyag nga ma-assign sa ICPO bangud yari sa Iloilo ang iya pamilya.
Bangud ginmanduan siya ni anay Philippine National Police (PNP) Chief Ronald “Bato dela Rosa nga ma-assign sa Iloilo, wala sang pangduha-duha nga iya ginbaton ang pagpanghangkat.