ILOILO CITY– Nagapabilin nga nakahospital arrest si anay Janiuay Mayor Frankie Locsin matapos gindakop bangud sa kaso nga graft and corruption.
Sa interview sang Bombo Radyo kay Police Major Engelbert Banquillo, iya ginpahayag nga may mga kapulisan nga nagabantay sa hospital sa diin nakaconfine si Locsin.
Suno kay Banquillo ginahulat pa nila nga mangin safe to travel ang estado ni Locsin, antes paman maghimo sang kun ano nga tikang.
Ang National Bureau of Investigation naman suno sa iya ang magahatag sang go signal sa ila, bangud wala pa sang may napagwa nga permit to travel para kay Locsin, nagikan sa sandigan bayan.
