USA – Nagapati si anay UFC light heavyweight kag heavyweight world champion Daniel Cormier nga ang iya kadalag-an sa trilogy nila ni UFC heavyweight world titleholder Stipe Miocic ang mangin liyable agud siya ang kilalahon bilang sports icon.
Ang American mixed martial artist nga si Cormier ang natalana nga mag-atubang sa kasubong nga American mixed martial artist nga si Miocic sa main event sang UFC 252 nga patigayunon sa Las Vegas, Nevada, subong nga aga Agosto 16.
Suno kay Comier, ang iya sambuwa batok kay Miocic ang mangin last fight na niya sa MMA career kag wala na siya sang plano nga magbalik matapos ang retirement.
Ginpahayag ni Comier nga ang importante amo nga iya nahibalu-an kun san-o ang nagakaigo nga oras sa pagbiya sa MMA.
