ILOILO CITY–Nagapati si anay Miag-ao Mayor Gerardo Flores nga madugangan pa ang maboto sa iya nga pumuluyo sa first district sa probinsya sang Iloilo sa pagka Congressman.
Sa interview sang Bombo Radyo kay Flores, iya ginpahayag nga pabugtawon niya ang mga pumuluyo sa kamatuoran pinaagi sa pagpahibalo sa ila sang mga isyu nga may kaangtanan sa pamilya Garin ilabi na kay anay Department of Health (DOH) Secretary Janette Garin.
Suno kay Flores, nag umpisa na nga mamubod ang ginatawag sini nga Dengvaxia Family ukon ang pamilya Garin sa mga kabataan sa diin iya nahibaluan nga kada estudyante ang nakabaton sang isa ka libo nagikan sa nasambit  nga pamilya.
Nahibaluan nga ang mangin kasumpong ni Flores sa pagka congressman sa 1st District amo si anay DOH Secretary Janette Garin.