ILOILO CITY – Nakaguwa na sa presohan ang isa ka pulis matapos nga gindakop pinaagi sa drug buy bust operation sa paglapas sa Republic Act 9165 ukon Comprehensive Dangerous Drugs Act of 2002.
Ang pulis amo si anay Patrolman Henson Digon, residente sang Tanza Baybay, City Proper kag assigned sadto sa Regional Headquarters Support Group sang Police Regional Office 6.
Sa interview sang Bombo Radyo kay Jail Supt. Gilbert Peremne, Deputy for Administration sang Bureau of Jail Management and Penology 6, iya ginpahayag nga natigayon nga maaprubahan ang plea bargaining agreement ni Digon rason nga nakaguwa ini sa presohan apisar nga capital offense ang iya nahimo.
Suno kay Peremne, sang nag apply sang plea bargaining agreement si Digon sang 2017, wala pa ini sang pag bag-o ipaanggid subong nga tuig nga kun maglapas sa RA 9165, indi na ini mahimo pa nga maka apply sang plea bargaining.
Nahibaluan nga nakuhaan sang tatlo ka sachets sang suspected shabu si Digon kag P500 nga buy bust money.
Na rekober man sa anay pulis ang iya service firearm nga 9mm pistol kag 23 ka mga bala.
