ILOILO CITY – Nagakadapat nga i-boost sang Pilipinas ang agriculture sector agud nga mahagan-hagan ang padayon nga nagasaka nga presyo sang food items.
Ini ang suno kay anay Socioeconomic Planning Secretary Ernesto Pernia.
Sa bulan sang Disyembre, naglala pa sa 8.1 percent ang inflation.
Lakip sa mga nagsaka ang presyo amo ang utan kaangay sang bombay kag pila pa ka necessities kaangat sang karne, kalamay, isda, harina kag iban pa.
Ini na ang pinakamataas nga rate humalin sang November 2008.
Suno kay Pernia, kinahanglan nga i-develop ang sektor sang agrikultura sang pungsod.
Sa iban nga pungsod, ang agrikultura ang ginahatagan gid sang nagaka-igo nga atensyon.
Sa Pilipinas naman suno sa natungdan, ang agrikultura ang naga-contribute sang 2-3 percent lamang sa ekonomiya kun ipa-anggid sa service sector nga nagadangat sa tubtob 65 percent sang gross domestic product.
Sa subong, si President Ferdinand Bongbong Marcos Jr sa gihapon ang nagapabilin nga Agriculture chief.
Una na nga nagpanawagan ang Kilusang Magbubukid ng Pilipinas kay Marcos nga magpanaog na bilang pinuno sang ahensya kag mag-appoint sang full-time nga tiglikom.
