Ginsentensyahan sang isa ka korte sa South Korea sang lima ka tuig nga pagkapreso si anay South Korean President Yoon Seuk Yeul.
Ini matapos mapatud-an nga guilty ini sa obstruction of Justice kag iban pa nga krimen kaangot sa kontrobersyal sini nga deklarasyon sang martial law.
Napamatud-an nga nakasala si Yoon sa pagpa-untat sini sa mga imbestigador para arestuhon ini.
Matandaan nga una na nga nagpangabay ang mga prosecutors sang 10 ka tuig nga pagkapreso kay Yoon kag silot nga kamatayon.
Ini bangud ginpangunahan sini ang insurrection kasunod sang pagpatuman sini sang martial law.
Suno pa sa ila, nagakadapat ang ini nga mabug-at nga silot kay Yoon bangud sa indi sini pagpakita sang anuman nga paghinulsol sa pamahog sini nga pag-panggamo sa pungsod.
Nasaksihan man ang pag-ngirit-ngirit ni Yoon sa sulod sang korte samtang ginabasa ang death penalty sang mga prosecutors.
Nagapabilin naman nga mapag-on ang panindugan sang kampo ni Yoon nga ang pag-dekalara sini sang Martial Law ang kabahin sang paggamit sini sang emergency power bilang isa ka Presidente sang iya pungsod.
