SRI LANKA – Ano ang sarang mo himuon agud nga pamatud-an ang isa ka butang?
Ginkakibot sang mga local media outlets sa Sri Lanka sa ginpatigayon nga live press conference ang ginhimo ni Dilip Wedaarachchi, anay State Minister of Fisheries.
Ini bangud nga ginkaon mismo ni Dilip sa atubang sang mga reporters ang hilaw nga isda.
Nakahibalo ka kun ngaa ginhimo niya ini?
Luyag man lang niya pamatud-an nga safe ang mga isda sa Sri Lanka matapos nga wala na sang may nagakaon sang isda bangud nag-angkon sang COVID-19 outbreak ang ila nga central fish market.
Suno kay Dilip, tuman nga naapektuhan ang mga manugpangisda amo man ang mga nagabaligya sang isda sa merkado sa tuman nga pagnubo sang ila nga kita.
Bangud sa outbreak, madamo ang ginkakulbaan magkadto sa merkado sa pagpati nga malatnan ang mga ini sang virus.
