ILOILO CITY–Nadakpan ang isa ka anay Tanod commander sang Brgy. San Isidro, Jaro, Iloilo City matapos nabaklan sang illegal drugs sa ginpatigayon nga buybust operation sa nasambit nga lugar.
Sa interview sang Bombo Radyo kay SPO2 alfred Tilano, team leader sang City Drug Enforcement Unit (CDEU), iya ginpahayag nga ang subject sang buybust operation amo si George Juntado Jasmin, 46 anyos, kasado kag panday sa nasambit nga lugar.
Suno kay SPO2 Tilano, si Jasmin ang nabaklan sang isa ka sachet sang suspected shabu nga nagabalor sang 600 pesos.
Sang ginrikisa, nakuha pa gid kay Jasmin ang dugang nga duha ka sachet sang suspected shabu.
Ginpahayag ni SPO2 Tilano nga ginpahalin bilang Tanod Commander si Jasmin bangud sa pagbaligya sang illegal drugs sa ila lugar.
Pamatuod diri suno kay Tilano, mismo ang balay ni Tilano ang nagaserbe nga drug den.
Samtang, hugot naman nga ginpanginwala ni Geroge Juntado Jasmin ang akusasyon.
Suno sa iya, hinali lang siya nga gindakop sang mga pulis sa sulod sang iya balay.