Nagpabilin nga wala nakapauli sa ila puluy-an ang anay barangay tanod nga nagpalupok sang armas-luthang sa Brgy. Ticud, La Paz, Iloilo City.
Sa interview sang Bombo Radyo kay Punong Barangay Roy Dichoson, iya ginpahayag nga kasunod sang insidente, gilayon sila nga nagresponde sa lugar.
Apang sang pag-abot nila sa lugar, wala na ang amo nga indibidwal.
Suno kay Dichoson, madulom ang lugar kon sa diin ini nagpalupok.
Ginkakibot naman sang kadam-an lakip na ang kaupod sini ang ginhimo sang amo nga persona.
Gintuad man ni Dichoson nga naga-inom-inom sang makahulubog nga ilimnon ang indibidwal antes nagluntad ang pagpinalupok.
Ginaimbestigaran naman sang kapulisan ang nagluntad nga insidente.
