ILOILO CITY – Ginalauman nga magabalik na sa Australia ang anay world number one nga si Novak Djokovic isa ka tuig matapos nga gin-deport bangud nagpamalibad nga magpabakuna batuk sa Coronavirus disease 2019.
Nahibaluan nga gin-ban sa pungsod ang nine-time Australian Open champion nga si Djokovic sa sulod sang tatlo ka tuig matapos nga nalutos sa legal battle subong nga tuig may kaangtanan sa iya vaccine status.
Apang, sang damlag lang, gin-lift sang Australia ang requirement nga proof of vaccination.
Sang Nobyembre, ginbawi na sang Australian government ang ban ordersa Serbian player kag gin-grant ang visa gani mahimo na ini liwat nga makahampang sa Australian Open nga magasugod sa Enero.
