Going strong ang relasyon nanday Andi Eigenmann kag partner sini nga si Philmar Alipayo matapos ang drama nga natabo sini lang nga bulan.
Sa reel nga gin-share sang Island Tattoo Piercing Studio, nakit-an sanday Andi kag Philmar nga Dungan nga nagpa-tattoo.
“What an absolute honor to turn @andieigengirl stories into lasting art. Another tattoo sessions with the power couple @andieigengirl & @chepoxz we couldn’t be more stoked to have them back together with Lilo & Koa,” kabahin sang post.
Antes ang Valentine’s Day, matandaan nga nangin kontrobersyal ang relasyon sang duha bangud sa sunod-sunod nga cryptic stories sang aktres kag pag-unfollow nila sa isa kag isa sa social media.
Sang ulihi, ginklaro ni Andi nga wala nag-cheat si Philmar apang naglain ang iya buot bangud nagpabutang ini sang couple tattoo kaupod sa iya long-time friend nga si Pernilla Sjoo.Ang tattoo design nanday Philmar kag Pernilla amo ang “224” nga buot silingon “Today, Tomorrow, and Forever.”
Pagkatapos sadto, nag-update ang champion surfer nga “okay” na sila sang aktres.
Magkaupod man sila nga nagselebrar sang Valentine’s Day kun sa diin ginsorpresa pa ni Philmar si Andi sang improvised bouquet of flowers nga may puso sang saging.
